الرسم صورتك مـا عرف رسمك رسمك المنقوش جوة في قلبي وما بجيب اسمك **** صورتك العندي والعيون الحور ما بشوفن زول إلاّ لو مثلي بي هواك مسحور يا صفا البنور.. يا دلال يا نور تعجز الافكار عن معانيكا ويطرب النسام حين يلاقيكا او يمس جسمك ***** صورتك العندي رقة الانسان لما قلبو يريد ويعرف التحنان وانت يا فتان قلبي بيك ولهان تشجي نجم الليل في أماسيكا والقمر نشوان حين يناجيكا والنجوم بســـمك ****** الرسم صورتك في عيون الناس كيف خيالو يطول ويرسم الإحساس انت يا حساس يا فريع مياس يعجز الرسام يدرك الفيكا ويعجز الرسام انو يوفيكا أو يجيد رسمك